Ռուսաստանի դեսպանին արգելել են մուտք գործել Մեծ Բրիտանիայի խորհրդարան

Մեծ Բրիտանիայում Ռուսաստանի դեսպան Անդրեյ Կելինը չի կարողանա մուտք գործել բրիտանական խորհրդարան: Շենքի մուտքը դեսպանի համար փակ է: Այդ մասին հունիսի 20-ին հաղորդել Է Sky News-ը՝ վկայակոչելով երկու պալատների՝ Լորդերի պալատի եւ Համայնքների պալատի խոսնակների զեկույցը:

Զեկույցում ասվում է, որ Անդրեյ Կելինին՝ որպես Ռուսաստանի կառավարության պաշտոնապես հավատարմագրված ներկայացուցչի, խորհրդարանի շենքում չեն ընդունի «մինչև հետագա ծանուցումը»։ Միջոցառումը վերաբերում է նաև այլ հավատարմագրված ռուս դիվանագետներին և պաշտոնյաներին։

Արգելքը ոչ պաշտոնապես գործում է փետրվարից, նշում է Sky News-ը, և միայն այժմ է այն հաստատվել թղթի վրա։

Նշենք, որ Ուկրաինայում ռուսական հատուկ գործողության մեկնարկից հետո շատ երկրներ, մասնավորապես ԱՄՆ-ը, Գերմանիան, Ֆրանսիան, Նիդեռլանդները, Լեհաստանը և Էստոնիան սկսել են արտաքսել ռուս դիվանագետներին։