Բորիս Ջոնսոնն այսօր վիրահատվել է

Բրիտանական BBC-ն հայտնում է, որ Մեծ Բրիտանիայի վարչապետ Բորիս Ջոնսոնը «փոքր սովորական վիրահատության է ենթարկվել՝ կապված քթի սինուսների հետ»: 

Նշվում է, որ վիրահատությունն արվել է ընդհանուր անզգայացմամբ, Լոնդոնի թիվ 10 հիվանդանոցում։ Բրիտանացի վարչապետը վիրահատվել է առավոտյան՝ ժամը 06:00-ին, իսկ արդեն 10:00-ին վերադարձել Դաունինգ սթրիթ:
 

Դաունինգ Սթրիթի խոսնակն ասել է, որ փոխվարչապետ Դոմինիկ Ռաաբը Ջոնսոնի փոխարեն կկայացնի ցանկացած հրատապ որոշում:

Միևնույն ժամանակ նշվում է, որ Ջոնսոնն իրեն լավ է զգում: Ակնկալվում է, որ Ջոնսոնը կգլխավորի իր ավագ նախարարների հանդիպումը երեքշաբթի առավոտյան և այս շաբաթվի վերջին կմեկնի Համագործակցության առաջնորդների հանդիպմանը: