Գաղտնալսված հեռախոսազանգի հետքերով․ Վանեցյանը կարևոր հայտարարություն է արել, հետո հրաժարվել բացատրություն տալ․ Իոաննիսյան

ԻՔՄ ծրագրերի համակարգող Դանիել Իոաննիսյանը գրում է. «Շաբաթներ առաջ ԱԱԾ նախկին տնօրեն Արթուր Վանեցյանը հարցազրույց էր տվել այն մասին, թե իբր իր օրոք հայտնաբերվել ու արտերկրից Հայաստան էր բերվել հայտնի (Վանեցյան-Խաչատրյան հեռախոսազանգերի) գաղտնալսման կազմակերպիչը, բայց հետո ազատ էր արձակվել՝ ապօրինի միջամտությամբ:

Բնականաբար, իրավապահներին խնդրել էինք քննել այդ դեպքը և պարզել քրեական գործին՝ Վանեցյանի ասած ապօրինի միջամտության հանգամանքները: Քիչ առաջ Հակակոռուպցիոն կոմիտեից ստացա գրություն, որից իմանում ենք, որ Վանեցյանը հրաժարվել է իրավապահներին բացատրություն տալ իր ասածի մասին:

Եզրահանգումները թողնում եմ ընթերցողին»: