Ընդդիմադիրները կազատեն Ֆրանսիայի հրապարակը․ Bagramyan26
Ընդդիմությունը որոշել է ազատել Ֆրանսիայի հրապարակը վրաններից, այս մասին փոխանցում է Bagramyan26 տելեգրամ ալիքը՝ հղում անելով իր աղբյուրներին։ Նշվում է, որ այս մասին այսօր կհայտարարի Իշխան Սաղաթելյանը և կներկայացնի որպես անցում լոկալ պայքարից դեպի ավելի ծավալուն։ Ալիքը նշում է, որ հավելյալ մանրամասներ կան, որոնք կներկայացնի շուտով։
Auroranews-ը փորձեց ընդդիմադիրներից ճշտել՝ արդյո՞ք ազատելու են Ֆրանսիայի հրապարակը և ե՞րբ, սակայն մեր զանգերը մնացին անպատասխան։
Հիշեցնենք՝ ապրիլի 17-ին «Հայրենիք» կուսակցության ղեկավար Արթուր Վանեցյանը Ազատության հրապարակից ֆեյսբուքյան ուղիղ եթերով դիմեց քաղաքացիներին` կոչ անելով միանալ իրենց պայքարին, իսկ ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանը հայտարարեց փողոցային պայքարի մեկնարկի մասին։
