Զելենսկին հրաժարվել է Բելառուսի տարածքով ուկրաինական հացահատիկ փոխադրել Եվրոպա

Ուկրաինայի նախագահ Վլադիմիր Զելենսկին հայտարարել է, որ երկիրը պատրաստ չէ հացահատիկ փոխադրել Բելառուսի տարածքով

այս ձևաչափով փոխադրումների իրագործելիության վերաբերյալ մեծ կասկածների պատճառով, հայտնում է РБК Ուկրաինան։
 

«Մեզ առաջարկեցին երկաթուղով անցնել Բելառուսով (ցորեն արտահանելու համար): Մենք նույնիսկ հասկանում ենք, թե ինչ մասշտաբի.

Բայց նաև հասկանում ենք, թե ինչու են մեզ դա առաջարկել։ Մենք դեռ պատրաստ չենք հետևել այս ձևաչափին և օգնել մեր «բարեկամ» հարևաններին»,- պարզաբանել է Ուկրաինայի նախագահը։
 

Ավելի վաղ Բելառուսի առաջնորդ Ալեքսանդր Լուկաշենկոն և ՄԱԿ-ի գլխավոր քարտուղար Անտոնիու Գուտերեշը հեռախոսով քննարկել են Ուկրաինայից հացահատիկի արտահանման խնդիրը։
 

Զրույցի ընթացքում Լուկաշենկոն հայտարարել է Բելառուսի տարածքով Գերմանիայի, Լեհաստանի, Բալթյան երկրների և Ռուսաստանի Դաշնության նավահանգիստներին հացահատիկ մատակարարելու Մինսկի պատրաստակամության մասին, բայց միայն այն պայմանով, որ այնտեղ հնարավոր լինի նաև բելառուսական ապրանքներ առաքել։