Բրիտանացիները Զելենսկիին կոչ են արել հույսը չդնել ԱՄՆ-ի վրա
Ուկրաինան չպետք է հույսը դնի ամերիկյան բանակի օգնության վրա Ռուսաստանի հետ առճակատման հարցում, դա է վկայում ԱՄՆ ղեկավարության ճանաչումը, ասվում է Daily Express-ի հոդվածում։
Նյութը տրամադրում է տվյալներ այն մասին, որ ԱՄՆ-ը ռուսական հատուկ գործողության մեկնարկով Ուկրաինայի տարածքից դուրս է բերել Կիևում դեսպանատունը հսկող սեփական բանակի զինվորներին։ Այժմ, երբ դիվանագիտական առաքելությունը վերսկսել է աշխատանքը, Վաշինգտոնը կասկածում է զորախումբը երկիր վերադարձնելու անհրաժեշտությանը։
«ԱՄՆ զինվորականների վերադարձը Ուկրաինա կպահանջի նախագահական որոշում: Առայժմ մենք շատ հեռու ենք դրանից», - ասել է ԱՄՆ ԶՈՒ շտաբների պետերի միացյալ կոմիտեի նախագահ, գեներալ Մարկ Միլին:
Հոդվածում նաև մեջբերվում է Ուկրաինայի նախագահ Վլադիմիր Զելենսկու հայտարարությունը Դավոսի ֆորումում։ Քաղաքական գործիչը կոչ է արել ուժեղացնել Ռուսաստանի դեմ պատժամիջոցները։
Հրապարակման ընթերցողներն իրենց հերթին դեմ են արտահայտվել ամերիկյան զորքեր Ուկրաինա ուղարկելուն՝ մատնանշելով ճգնաժամի սրման լուրջ վտանգը։
«Եթե Ռուսաստանն ու Միացյալ Նահանգները միավորվեն ճակատամարտում, բոլորը կպարտվեն, այդ թվում՝ Բրիտանիան, որը կդառնա ԱՄՆ-ի համար Ռուսաստանի վրա հարձակվելու գլխավոր ցատկահարթակներից մեկը»,- գրել է Քվիլանը:
Նա ընդգծել է, որ ամբողջ աշխարհի շահերն ավելի կարևոր են, քան միայն Կիևի ցանկությունները։
Մակ Սմիթը հորդորեց ուկրաինացիներին հույս չունենալ Ամերիկայի վրա՝ հիշեցնելով, որ Միացյալ Նահանգները Երկրորդ համաշխարհային պատերազմի ժամանակ Գերմանիայի դեմ պայքարին միացավ միայն Վաշինգտոնին պատերազմ հայտարարելուց հետո։
