Ավելի լավ կլինի, եթե ընդդիմությունը չգա խորհրդարան. Ռուբինյան

Ժողովուրդը միանշանակ ընդունում է, որ ընտրությունները արդար, ազատ և թափանցիկ են եղել մեկ պարզ պատճառով՝ ժողովուրդն է այս որոշումը կայացրել, ժողովուրդն է քվեարկություն արել, ամեն անհատ գնացել է քվեախցիկ և քվեարկել: Այդ մասին հայտարարել է ԱԺ փոխնախագահ Ռուբեն Ռուբինյանը՝ Հանրային Հ/Ը–ի եթերում: Անդրադառնալով ընդդիմության՝ մանդատներ վերցնելու մասին հարցին՝ Ռուբինյանը նշել է,

«Մենք միայն երջանիկ կլինենք, ես կոչ եմ անում չգալ խորհրդարան, կոչ եմ անում ընդդիմությանը չվերցնել մանդատները, եթե իրենց թվում է, որ մենք նստած երազում ենք՝ իրենք երբ են գալու, սխալվում են, մեզ ավելի լավ կլինի, բոլորիս ավելի լավ կլինի»,– նշել է նա՝ հավելելով.

«Միակ ճանապարհը մեր քաղաքական դաշտը առողջացնելու այն է որ պատերազմի եռագլուխ կուսակցությունը վերջապես կրի պատասխանատվություն»: