Իրենք ոչ ընտրվել են, ոչ էլ՝ հաղթել. Իշխան Սաղաթելյան

Որևէ իշխանություն հավերժ չէ, հետևեք ձեր խոսույթին: Նման հայտարարություն է արել Հայաստան դաշինքի պատգամավոր Իշխան Սաղաթելյանը՝ իր տեսաուղերձում:

«ՔՊ-ականների ցինիկ պահվածքը ընդամենը վկայություն է այն մասին, որ իրենք ոչ ընտրվել են, ոչ էլ հաղթել, որովհետև հաղթողը նման կեցվածք չի դրսևորում, սա հաղթողի պահվածք չի, սա ընտրությունները կեղծած, մարդկանց քվեն գողացած և բռնաճնշումներով իրենց իշխանությունը վերարտադրելու փորձ է,  ու իրենք այս մասին շատ լավ գիտեն, իսկ ընդհանրապես՝ ՔՊ-ական պատգամավորներ և նախարարներ, ձեր խոսույթին տիրություն արեք: Իշխանությունը կուրացնելու և լկտիացնելու հատկություն ունի, ու դուք վաղուց այդ սահմանները անցել եք: Ամեն անգամ ինչ-որ բան խոսելուց առաջ միշտ հիշեք, որ որևէ իշխանություն հավերժ չի, հատկապես ձեր իշխանությունը»,– նշել է նա: