ՏԵՍԱՆՅՈՒԹ․ «Ալ Ջազիրան» ցուցադրել է սառնարանային մեքենա՝ ռուս զինվորների դիերով

«Ալ Ջազիրա» հեռուստաալիքը Կիևի մարզում ցուցադրել է սառնարանային մեքենա՝ ռուս զինվորների դիերով: Nexta Live-ը նշում է, որ սրանք սրանք հենց այն «անհետ կորած» զինվորականներն են, որոնց մարմինները Ռուսաստանի ղեկավարությունը հրաժարվել է վերցնել՝ հարազատներին փոխհատուցում չտալու համար։

Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին:Հեռուստաուղերձում նա ասել էր, որ հանգամանքները «մեզնից պահանջում են վճռական և անհապաղ գործողություններ, Դոնբասի ժողովրդական հանրապետությունները օգնության խնդրանքով դիմել են Ռուսաստանին»:Ռուսաստանի ղեկավարի խոսքով, արյունահեղության ողջ պատասխանատվությունը կլինի Ուկրաինայում իշխող ռեժիմի խղճի վրա։ Նա ուկրաինացի զինվորականներին կոչ է արել չկատարել ուկրաինական իշխանությունների հանցավոր հրամանները, վայր դնել զենքերն ու գնալ տուն։