ՏԵՍԱՆՅՈՒԹ․ Դժվա՞ր ա. պարզ հարց եմ տալիս. Փաշինյանը բարկացավ

Կառավարության այսօրվա նիստում վարչապետ Նիկոլ Փաշինյանն ասաց, որ 2022 թվականի առաջին չորս ամսիներին պետական բյուջեի եկամուտների պլանը գերակատարել են 30 միլիարդ դրամով:

Նա ՊԵԿ նախագահ Ռուստամ Բադասյանից հետաքրքրվեց՝ տուրքով ինչքա՞ն են ավելի հավաքել, Բադասյանն էլ ասաց, թե ապրիլի 21-ի դրությամբ 19,6 միլիարդ է կազմել տուրքի հավաքագրումը:

Ֆինանսների նախարար Տիգրան Խաչատրյանն էլ այլ թիվ նշեց՝ երեկվա դրությամբ 24 միլիարդ է եղել, 24,6 էլ եղել է անցած տարի:

«48,6 միլիարդ դրամ ունենք հիմա», - ասաց Խաչատրյանը:

Նիկոլ Փաշինյանին զայրացրեց, որ տարբեր թվեր են հնչում:

«Թիվը ասեք, դժվա՞ր է պարզել, 10 րոպե է պարզում ենք, թե ինչքան ա, պարզ հարց եմ տալիս, ասում եմ՝ առաջին օրից մինչև հիմա ինչքա՞ն գումար ենք հավաքել, չորս տարբեր թիվ եք ասում», - նշեց վարչապետը: