Ընդդիմությունը՝ ԱԺ շենքը զավթելու լուրերի մասին
Հայաստանի Հանրապետության արժանապատիվ քաղաքացիները որևէ շենք զավթելու կարիք չունեն: Ի պատասխան ԱԱԾ հայտարարության՝ այդ մասին հայտնել է «Հայաստան» խմբակցության պատգամավոր Քրիստինե Վարդանյանը։
«Որևէ շենք զավթելու կարիք չունենք մի պարզ պատճառով` իշխանությունն այլևս այդ շենքերում չէ, այն Հայաստանի փողոցներում, հայ մարդկանց ձեռքին է»,– ասել է Վարդանյանը։
Հիշեցնենք՝ ավելի վաղ հայտնել էինք, որ ՀՀ ոստիկանությունը և ԱԱԾ-ն հայտարարություն է տարածել՝ զգուշացնելով, որ Երևան քաղաքում անցկացվող հավաքի որոշ մասնակիցներ մտադիր են մայիսի 4-ին կայանալիք ՀՀ ԱԺ նիստի ընթացքում զավթելու ԱԺ շենքը:
