Թուրքիան մտադիր է Սիրիայում փախստականների համար տներ կառուցել

Թուրքիան մտադիր է 100.000  տուն կառուցել Սիրիայի հյուսիսում՝ երկրում բնակվող սիրիացի փախստականներին տեղավորելու համար, հայտարարել է Թուրքիայի նախագահ Թայիփ Էրդողանը, փոխանցում է Ռիա Նովոստին։ 

«Մեր նպատակն է այստեղ՝ հյուսիսային Սիրիայում կառուցել առաջին հերթին 100.000 տուն, մենք նպատակ ունենք, Թուրքիայից եկածներին  վերաբնակեցնել այնտեղ, այս պահին մոտ 60.000 տուն ենք կառուցել։ Սիրիայում մենք քայլեր ենք ձեռնարկում և կշարունակենք ձեռնարկել մարդկանց մեր կողմը բերելու համար, և ես կարծում եմ, որ մեր աշխատանքը շատ ավելի հեշտ կլինի, եթե նրանց բերենք մեր կողմը»,- լրագրողներին ասել է Էրդողանը՝ ինքնաթիռում, Սաուդյան Արաբիայից վերադառնալու ընթացքում։