Մայիսի 16-ից Ռուսաստանը վերացնում է Հայաստան մուտք գործելու սահմանափակումը
Մայիսի 16-ից Ռուսաստանը վերացնում է ռուսների՝ Լուգանսկի և Դոնեցկի, Հայաստանի և Ղրղզստանի պետական սահմանով ելքի սահմանափակումը։ Այս մասին լրագրողներին հայտնել են կորոնավիրուսի տարածման դեմ պայքարի օպերատիվ շտաբից, փոխանցում է Ռիա Նովոստին:
«Հետևելով քննարկման արդյունքներին և հաշվի առնելով համաճարակաբանական իրավիճակի կայունացումը, որոշվել է 2022 թվականի մայիսի 16-ից հանել պետական սահմանը հատելու մի շարք սահմանափակումներ»,- ասվում է հաղորդագրության մեջ։
Հաղորդագրության համաձայն՝ հանվում է նաև Հայաստանի քաղաքացիների մուտքի սահմանափակումը, այդ թվում՝ Ռուսաստանի Դաշնության պետական սահմանի ռուս-վրացական հատվածում:
