Ավտովթար Արմավիրի մարզում. կա վիրավոր

Այսօր՝ ապրիլի 29-ին, ավտովթար է տեղի ունեցել Արմավիրի մարզում: Ժամը 16:20-ի սահմաններում Սարդարապատ գյուղում՝ Խաչի դիմաց, բախվել են Երևանի բնակիչ, 62-ամյա Մարտիկ Հ.-ի վարած Mercedes մակնիշի և Արմավիրի մարզի բնակիչ, 44-ամյա Վարդան Վ.-ի վարած Mercedes մակնիշի ավտոմեքենաները: 

Ինչպես հայտնում է shamshyan.com-ը, վթարի հետևանքով Վարդան Վ.-ի ուղևոր, Արմավիրի մարզի բնակիչ, 41-ամյա Սիրան Վ.-ն մարմնական վնասվածքներով տեղափոխվել է «Արմավիր» բժշկական կենտրոն: Կայքի տեղեկություններով՝ Մարտիկ Հ.-ի վարած Mercedes-ը պատկանում է «Մարիաննա» կաթնամթերքի արտադրական ձեռնարկություն ՍՊԸ-ին: