Ադրբեջանն արդեն երկու ամիս փնտրում է Լաչինի շրջանում անհետացած զինծառայողներին

Այսօր՝ ապրիլի 26-ին, Ադրբեջանի պաշտպանության նախարարությունը տեղեկություն է տարածել Լաչինի շրջանում անհետ կորած զինծառայողների որոնողական աշխատանքների մասին։ Հաղորդագրության համաձայն՝ շարունակվում են մարտի 4-ից Լաչինի շրջանում անհետացած ժամկետային զինծառայողներ՝ շարքայիններ Ֆարիդ Մամեդովի և Ֆիրդովսի Աբդուլաևի որոնողական աշխատանքները։

Ինչպես հայտնել է EADaily-ն, այս տարվա հունվարի վերջին Քելբաջարի շրջանում հայտնաբերվել է ձնաբքի մեջ մոլորված սպա Ֆուադ Բաղիրովի դին։ Մինչ այս անհետացել են  Ադրբեջանի հանրապետության ԶՈՒ չորս զինծառայողներ, որոնցից երեքին հայտնաբերել են որոնողական խմբերը։