«Ուժեղ Հայաստան»-ի ցուցակի 3-րդ համար Գոհար Մելոյանը հրաժարվել է պատգամավորական մանդատից

«Ուժեղ Հայաստան» կուսակցության ընտրացուցակի երրորդ համար, իրավաբան Գոհար Մելոյանը Կենտրոնական ընտրական հանձնաժողով է ներկայացրել ինքնաբացարկի դիմում՝ հրաժարվելով պատգամավորական մանդատից։ Այդ մասին նա հայտնել է ֆեյսբուքյան իր էջում։

Մելոյանը նշել է, որ շարունակելու է գործունեությունը՝ մնալով «Ուժեղ Հայաստան» կուսակցության խորհրդի անդամ, սակայն իր հետագա աշխատանքը կենտրոնացնելու է կուսակցության ինստիտուցիոնալ զարգացման, ընտրական գործընթացների վերահսկողության, քաղաքական հետապնդման ենթարկված անձանց իրավական պաշտպանության, հանրային հաշվետվողականության և սոցիալ-տնտեսական խնդիրների լուծման ուղղություններով։

Նա նաև հայտարարել է, որ լիակատար աջակցություն է հայտնում կուսակցության առաջնորդ Սամվել Կարապետյանին, Նարեկ Կարապետյանին, «Ուժեղ Հայաստան» խմբակցությանը և կուսակցության թիմին։

«Այսօր ինքնաբացարկի դիմում եմ ներկայացրել Կենտրոնական ընտրական հանձնաժողով։ Մեկնարկում է արժեքահեն պայքարի նոր փուլը՝ բազմավեկտոր անելիքներով», - գրել է Մելոյանը։