RFEF-ը և ՖԻՖԱ-ն Դոնալդ Թրամփին հեռացրել են լուսանկարներից

Իսպանիայի թագավորական ֆուտբոլային ֆեդերացիայի (RFEF) և Ֆուտբոլի միջազգային ֆեդերացիայի (ՖԻՖԱ) X սոցիալական ցանցի պաշտոնական էջերը լուսանկարներից կտրել են ԱՄՆ նախագահ Դոնալդ Թրամփին, որոնցում Իսպանիայի հավաքականի ֆուտբոլիստները տոնում են աշխարհի առաջնությունում տարած հաղթանակը։

Այն բանից հետո, երբ Թրամփը՝ ՖԻՖԱ-ի նախագահ Ջանի Ինֆանտինոյի ընկերակցությամբ, Աշխարհի գավաթը հանձնեց Իսպանիայի ընտրանու ավագ Ռոդրիին, նա մտադիր չէր հեռանալ հարթակից և մնում էր տեսախցիկների օբյեկտիվներում, քանի դեռ իսպանացիները գավաթն իրենց գլխավերևում էին բարձրացնում։ Ամերիկացի առաջնորդը տոնակատարության վայրից հեռացավ միայն այն ժամանակ, երբ նրան մոտեցավ Ինֆանտինոն, և նրանք միասին լքեցին չեմպիոնական հարթակը։ 

RFEF-ի էջում գրաֆիկական խմբագրիչի օգնությամբ Թրամփին հեռացրել են լայնաֆորմատ հորիզոնական լուսանկարից, իսկ ՖԻՖԱ-ի էջում հրապարակվել է ուղղահայաց նկար, որտեղ ԱՄՆ նախագահին պարզապես «կտրել են»։ Հիշեցնենք, որ Իսպանիայի հավաքականը ԱԱ-2026-ի եզրափակիչում 1:0 հաշվով առավելության է հասել Արգենտինայի նկատմամբ՝ լրացուցիչ ժամանակի 106-րդ րոպեին հարձակվող Ֆերան Տորեսի խփած գոլի շնորհիվ: