Պուտինը հրավիրվել է G20 գագաթնաժողովին
Ինդոնեզիայի ֆինանսների նախարար Շրի Մուլյանի Ինդրավատիտին հայտարարել է, որ G20-ի գագաթնաժողովին հրավիրված են ֆորումի բոլոր անդամ երկրների ղեկավարները, այդ թվում՝ ՌԴ նախագահ Վլադիմիր Պուտինը, փոխանցում է ТАСС-ը։
Ինչպես նշել է նախարարը, հրավերներն ուղարկվում են նախապես։ Նրա խոսքով՝ G20-ի բոլոր երկրներն արդեն ստացել են իրենց հրավերները։
Ինդոնեզիան այս տարի նախագահում է G20-ում: G20-ի երկրների ղեկավարների տասնյոթերորդ հանդիպումը տեղի կունենա աշնանը Բալի կղզում։
Ավելի վաղ Ֆրանսիայի էկոնոմիկայի և ֆինանսների նախարար Բրունո Լը Մերը Ռուսաստանի Դաշնությանը կոչ էր արել ձեռնպահ մնալ G20-ի միջոցառումներին մասնակցելուց։
