Ռուսաստանի և Հայաստանի ԱԽ քարտուղարները համաձայնագիր են ստորագրել
Ռուսաստանի և Հայաստանի կառավարությունները համաձայնագիր են ստորագրել տեղեկատվական անվտանգության ոլորտում համագործակցության մասին։ Այս մասին TAСС-ի հաղորդմամբ հայտնել է ՌԴ Անվտանգության խորհրդի մամուլի ծառայությունը։
«Փաստաթղթի համաձայն՝ տեղեկատվական անվտանգության ոլորտում Ռուսաստանի և Հայաստանի համագործակցության հիմնական ուղղությունները, մասնավորապես, լինելու են այդ ոլորտում սպառնալիքներին հակազդելը և համակարգելը, տվյալների փոխանակումները բացահայտելը, կանխելն ու ճնշելը, ինչպես նաև ահաբեկչական և այլ հանցավոր նպատակներով տեղեկատվական և հեռահաղորդակցական տեխնոլոգիաների օգտագործման հետ կապված հանցագործությունները հետաքննելը»,- ասված է հաղորդագրությունում։
Ռուսաստանի Դաշնության և Հայաստանի Հանրապետության անունից համաձայնագիրը ստորագրել են երկու երկրների անվտանգության խորհուրդների քարտուղարներ Նիկոլայ Պատրուշևը և Արմեն Գրիգորյանը, նշել են նախարարությունից։
Հայաստանի վարչապետ Նիկոլ Փաշինյանը երկօրյա պաշտոնական այցով գտնվում է Ռուսաստանում։ Նրա հետ Մոսկվա են ժամանել փոխվարչապետ Մհեր Գրիգորյանը, Անվտանգության խորհրդի քարտուղար Գրիգորյանը, ԱԳ նախարար Արարատ Միրզոյանը, կրթության, գիտության, սպորտի և մշակույթի նախարար Վահրամ Դումանյանը, պաշտոնատար այլ անձինք։
