Երևանում կոտրել են հայտնի հագուստի սրահի ապակին և այնտեղից հափշտակել մի քանի միլիոն դրամի հագուստ
Երեկ՝ ապրիլի 16-ին, Երևանում թալանել են հայտնի խանութներից մեկը: Ինչպես հայտնում է shamshyan.com-ը, ժամը 01:25-ի սահմաններում ՀՀ ոստիկանության պարեկային ծառայության Երևանի գնդի պարեկները ծառայություն կատարելու ընթացքում նկատել են, որ Նալբանդյան փողոց 96 հասցեում գործող «Վենետո» հագուստի խանութի ապակիները կոտրված են:
Պարզվել է, որ անհայտ անձը կամ անձինք ժամը 01:00-ի սահմաններում կոտրել են նշված խանութի ապակիները, մտել ներս և այնտեցից հափշտակել մի քանի միլիոն դրամի հագուստ: Ոստիկանությունը ձեռնարկում է անհրաժեշտ օպերատիվ-հետախուզական միջոցառումներ՝ հանցագործությունը բացահայտելու, կատարողի կամ կատարողների ինքնությունը պարզելու, նրանց և գողոնը հայտնաբերելու ուղղությամբ:
