Հայտնի են սպասվող ռուս-ուկրաինական բանակցությունների անցկացման մասին մանրամասները
Ռուս-ուկրաինական բանակցությունները, ինչպես սպասվում է, կսկսվեն մարտի 29-ին Ստամբուլում։ Այս մասին մարտի 28-ին լրագրողներին հայտնել Է ՌԴ նախագահի մամուլի քարտուղար Դմիտրի Պեսկովը։
Նա նշել է, որ այսօր դրանք դժվար թե շարունակվեն, քանի որ պատվիրակությունները մեկնում են Թուրքիա։
«Բայց ակնկալում ենք, որ վաղը դա կարող է տեսականորեն տեղի ունենալ», — ասել է Պեսկովը:
Էրդողանի գրասենյակից մանրամասնում են, որ բանակցությունները տեղի կունենան մարտի 29-ին, ժամը 10.30-ին (Մոսկվայի ժամանակով) ու կանցկացվեն փակ դռների հետևում։
