ԵԱՀԿ գործող նախագահը կայցելի Հայաստան, Վրաստան և Ադրբեջան
ԵԱՀԿ գործող նախագահ, Լեհաստանի արտգործնախարար Զբիգնև Ռաուն մարտի 29-ից ապրիլի 1-ը կայցելի Հարավային Կովկաս։
Այս մասին հայտնում է ԵԱՀԿ կայքը։
Ռաուն կայցելի Վրաստան, Հայաստան և Ադրբեջան։ Հայաստան այցի ընթացքում ԵԱՀԿ նախագահը հանդիպումներ կունենա նախագահ Վահագն Խաչատրյանի, վարչապետ Նիկոլ Փաշինյանի և արտգործնախարար Արարատ Միրզոյանի հետ։
Հաղորդագրության համաձայն՝ տարածաշրջանային այցը նվիրված կլինի «հարավկովկասյան տարածաշրջանում խաղաղ համագործակցության, երկխոսության և կայունության խթանմանը»։
