Թուրքիայի ՊՆ-ն՝ Սև ծովում տիրող իրավիճակի մասին

Սև ծովում արտակարգ իրավիճակ չկա, ականաորս նավերը հերթապահում են, հայտարարել է Թուրքիայի ազգային պաշտպանության նախարար Հուլուսի Աքարը։ 

Ավելի վաղ թուրքական Star թերթը գրել էր, որ Բոսֆորի մուտքի մոտ ականանման առարկայի շարժում է նկատվել։ Ավելի ուշ Թուրքիայի պաշտպանության նախարարությունը հաստատել էր, որ հայտնաբերված օբյեկտը ական է, և հայտարարել էր այդ հարցի շուրջ Մոսկվայի և Կիևի հետ բանակցությունների մասին։Որոշ ժամանակով նեղուցը փակվել էր նավերի շարժի համար, ավելի ուշ՝ վերսկսվել։ 

«Սև ծովում արտակարգ իրավիճակ չկա, մեր նավերը հերթապահում են ականներ որոնելու համար»,- լրագրողներին ասել է Աքարը։