Երկու վիրավոր ունենք. ադրբեջանցիները ռուսական զորախմբի ուղեկցությամբ լքել են Փառուխը
ՌԴ ՊՆ-ն հայտարարություն է տարածել, որում ասվում է. «Ռուսական խաղաղապահ զորախումբը շարունակում է առաջադրանքներ իրականացնել Լեռնային Ղարաբաղի տարածքում։ Քսանյոթ դիտակետերում ռուս խաղաղապահներն իրականացնում են իրավիճակի շուրջօրյա դիտարկում և վերահսկում հրադադարի ռեժիմի պահպանումը։
Ասկերանի շրջանում ադրբեջանական զինուժի կողմից հրադադարի պահպանման ռեժիմի խախտման երկու դեպք է գրանցվել։
Փոխհրաձգության արդյունքում յուրաքանչյուր կողմից վիրավորվել է երկու հոգի։ Ռուսական խաղաղապահ զորախմբի հրամանատարությունը, համագործակցելով հակամարտող կողմերի ներկայացուցիչների հետ, կայունացրել է իրավիճակը։
Բանակցությունների արդյունքներով ադրբեջանական կողմը իրականացրել է իր ստորաբաժանումների դուրսբերումը Փառուխ բնակավայրի տարածքից։ Ռուսական խաղաղապահ ստորաբաժանումները Լաչինի միջանցքով ուղեկցել են Ադրբեջանի Հանրապետության զինված ուժերի երեք շարասյուներին՝ երկուսը հյուսիսային և մեկը։ հարավային ուղղություններով։ Ասկերանի, Մարտակերտի, Մարտունու և Շուշիի շրջաններում չորս երթուղիներով պարեկություն է իրականացվել»։
