«Ղրիմի և Դոնբասի ճանաչում». Մեդինսկին ասել է` ինչ պահանջներ ունեն

Մեդինսկին խոսել է ռուսական և ուկրաինական պատվիրակությունների միջև բանակցությունների ընթացքի մասին։

Ուկրաինայի հետ բանակցություններում ռուսական պատվիրակության ղեկավար Վլադիմիր Մեդինսկին մարտի 25-ին հայտարարել է, որ Մոսկվան պնդում է համապարփակ պայմանագիր՝ հաշվի առնելով իր համար «կենսական նշանակություն ունեցող» դիրքորոշումները։

«Մենք պնդում ենք համապարփակ պայմանագիր, որը, բացի Ուկրաինայի չեզոք կարգավիճակից, Ուկրաինայի անվտանգության երաշխիքներից բացի, նախատեսում է մի շարք դիրքորոշումներ, որոնք կենսական նշանակություն ունեն մեր երկրի համար՝ ապառազմականացում, ապազգայնացում, Ղրիմի ևԴոնբասի ճանաչում, ինչպես նաև մի շարք այլ պայմանագրային դիրքորոշումներ,որոնք առանց հաշվի առնելու, կարծում եմ՝ համաձայնագրի կնքումը քիչ հավանական է»,- լրագրողներին ասել է Մեդինսկին։

Նա հավելել է, որ ուկրաինական կողմը «առաջին հերթին մտահոգված է երրորդ ուժերի կողմից անվտանգության երաշխիքներ ստանալու համար,եթե Ուկրաինան չմիանա ՆԱՏՕ-ին»։

Մարտի 23-ին ՌԴ ԱԳ նախարար Սերգեյ Լավրովը հայտարարեց, որ Ռուսաստանի Դաշնության և Ուկրաինայի միջև բանակցությունները դժվարությամբ են ընթանում, քանի որ Կիևը մշտապես փոխում է իր դիրքորոշումը: