Բայդենը Բրյուսելում կհայտարարի Ռուսաստանի դեմ նոր պատժամիջոցների մասին
Սպասվում է, որ ԱՄՆ նախագահ Ջո Բայդենը Բրյուսելում կհայտարարի բազմաթիվ օրենսդիրների, պաշտպանական արդյունաբերության ձեռնարկությունների և նրանց դուստր ձեռնարկությունների, ինչպես նաև Ռուսաստանի տնտեսության այլ ոլորտների դեմ պատժամիջոցների մասին, գրում է The Washington Post-ը՝ հղում անելով իր աղբյուրներին:
Նրանց խոսքով՝ ամերիկացի առաջնորդը կխոսի նաև ԱՄՆ-ի կողմից ձեռնարկվող միջոցների մասին՝ թույլ չտալու Ռուսաստանին շրջանցել ուկրաինական իրադարձությունների հետ կապված գործող սահմանափակումները։ Միևնույն ժամանակ, հաղորդվում է, որ սահմանափակումների ցանկում դեռ կարելի է փոփոխություններ կատարել։
