Պուտինի հանձնարարականից հետո Եվրոպայում գազի գինը բարձրացել է
Եվրոպայում գազի գինը, Լոնդոնի ICE բորսայի տվյալների համաձայն, այսօր բորսաներում կայացած սակարկությունների ժամանակ բարձրացել է՝ հասնելով 1000 խորանարդ մետրի դիմաց 1350 դոլարի:
Այս մասին գրում է ТАСС-ը՝ նշելով, որ գազի գինը բարձրացել է Ռուսաստանի նախագահ Վլադիմիր Պուտինի՝ ոչ բարեկամ երկրներին գազը միայն ռուբլով մատակարարելու մասին հանձնարարականից հետո:
Նիդեռլանդների TTF հանգույցում ապրիլյան ֆյուչերսների գինը բարձրացել է մինչև 1353 դոլար 1000 խմ-ի դիմաց:
Ընդհանուր առմամբ, առևտրի սկզբից գազի ինքնարժեքն աճել է գրեթե 20,3%-ով։
