ԱՄՆ պետքարտուղարը ռուս զինվորականներին մեղադրել է ռազմական հանցագործությունների մեջ
ԱՄՆ պետքարտուղար Էնթոնի Բլինկենը հայտարարել է, որ ԱՄՆ-ն, ուսումնասիրելով ապացույցները, եկել է այն եզրակացության, որ ռուս զինվորականներն իսկապես ռազմական հանցագործություններ են կատարել Ուկրաինայի տարածքում։ Այս մասին գրում է BBC-ի ռուսակա ծառայությունը:
«Մեր գնահատականը հիմնված է բաց աղբյուրների և հետախուզական տվյալների առկա տեղեկատվության մանրակրկիտ ուսումնասիրության վրա», - Բլինկենի հայտարարությունը մեջբերել են համաշխարհային լրատվական գործակալությունները:
ԱՄՆ պետքարտուղարը հավելել է, որ յուրաքանչյուր դեպքում կոնկրետ անձանց մեղավորությունը պետք է որոշի դատարանը։
