Հաջորդ պատերազմը չի լինելու դիրքային պատերազմ, կրկնվելու է Արցախյան առաջին պատերազմի սցենարը. Կարեն Հովհաննիսյան

Ռազմական փորձագետ Կարեն Հովհաննիսյանը ֆեյսբուքյան իր էջում գրել է.
 

Գազային սադրանքը չպետք է լինի առևտրի առարկա: Ռուսաստանը կամ պետք է ապահովի Արցախի անվտանգությունը, այդ թվում նաև մարդասիրական, կամ պետք է ասի, որ չի կարողանում լեզու գտնի Ադրբեջանի, իսկ ավելի գլոբալ Թուրքիայի հետ։ Հաջորդ պատերազմը չի լինելու դիրքային պատերազմ, կրկնվելու է Արցախյան առաջին պատերազմի սցենարը։ Սկզբից կփորձեն մեզ ճնշել, մեզ համոզել, որ անճար ենք, որ ունակ չենք նոր պատերազմ վարելու, որ չունենք ռեսուրս, այնուհետև՝  տեսնելով հզոր դիմադրություն, մարտավարական և տակտիկական դիմադրություն, կփորձեն արդեն կանգնեցնել մեզ․․․ Մենք հիմա չունենք այլ ելք, թող դիվանագետները զբաղվեն պատերազմի կանխումով, բայց միևնույն է, այն լինելու է, դրա համար մենք պետք է զբաղվենք զինվելով։ Զինվել և պատրաստ լինել մարտի․․․