Եվրամիությունը ՌԴ-ի նկատմամբ նոր սանկցիաներ է ծրագրում

Ուկրաինայի դեմ պատերազմի պատճառով Եվրամիությունում քննարկում են Ռուսաստանի Դաշնության նկատմամբ նոր պատժամիջոցներ սահմանելու հնարավորությունը: Այս մասին գրում են ռուսական ԶԼՄ-ները՝ վկայակոչելով Ֆրանսիայի արտաքին գործերի նախարարության պետական քարտուղար Կլեման Բոնին:

Նա այդ մասին ասել է Բրյուսելում Եվրամիության խորհրդի ընդհանուր հարցերին նվիրված նիստից հետո:
 

«Վերջին օրերին մենք տեսնում ենք Ուկրաինայում ռազմական գործողությունների սրում, շատ հավանական է, որ բավական արագ կսահմանվեն նոր սանկցիաներ: Մենք չենք տեսնում Ռուսաստանի կողմից դեէսկալացիա, հետևաբար, Եվրոպական միությունը կշարունակի ճնշում բանեցնել Ռուսաստանի վրա»,- ասել է նա: