Սերգեյ Լավրովը հայտարարել է, որ Մոսկվան երբեք չի դավաճանում իր բարեկամներին

Ռուսաստանը շահագրգռված չէ, որպեսզի խանգարի Գործողությունների համատեղ համապարփակ ծրագրի (ԳՀՀԾ) վերականգնմանը այն պատճառով, որ Իրանի նկատմամբ նավթային էմբարգոյի վերացումը ԱՄՆ-ին թույլ կտա ռուսական նավթը փոխարինել համաշխարհային շուկայում։ ՌԴ արտգործնախարար Սերգեյ Լավրովը հայտարարել է, որ Մոսկվան երբեք չի դավաճանում իր բարեկամներին։ 
«Մենք քաղաքականության մեջ երբեք չենք դավաճանում բարեկամներին ։ Վենեսուելան մեր բարեկամն է, Իրանը մեզ շատ մտերիմ պետություն է։ Երկրորդ` մենք մեր մաշկի մասին չենք մտածում։ Իսկ ամերիկացիները մտածում են։ Նրանք սկսել են մտածել՝ «ռուսներին պետք է դաս տալ, այդ դեպքում Աստված Կարակասի ռեժիմի հետ, Աստված Իրանի հետ, եկեք արագ վերականգնենք այդ ծրագիրը, միայն թե մենք հիմա պատժենք ռուսներին», - ասել է Լավրովը «Ռուսաստանի առաջնորդները» մրցույթի մասնակիցների հետ հանդիպման ժամանակ: 
Նրա խոսքով՝ դա այն խնդիրների արտացոլումն է, որոնք կապված են ոչ այնքան միջազգային ինստիտուտների, որքան, այսպես կոչված, ժողովրդավարության հետ, որը, ինչպես պարզվեց, բոլորովին լիբերալ չէ ու բոլորովին էլ ժողովրդավարություն չէ: 
ՌԴ արտգործնախարարը նաև նշել է, որ հիմքեր չի տեսնում կարծելու, թե «ՕՊԵԿ+»-ի մեխանիզմը կկործանվի, ոչ ոք դրանում շահագրգռված չէ: 
Լավրովը, մեկնաբանելով ռուսական նավթը փոխարինելու ամերիկյան ցանկությունը, ասել է` Իրանն ու Վենեսուելան այն կարծիքին են, որ միայն «ՕՊԵԿ+»-ը կարող է քվոտաները համաձայնեցնել յուրաքանչյուր մասնակցի համար։