«Կիևը պատրաստ չէ արագացնել բանակցությունները». Պեսկով
ՌԴ նախագահի մամուլի քարտուղար Դմիտրի Պեսկովն ասել է, որ Կիևը պատրաստ չէ արագացնել բանակցությունները: Տեղեկատվությունը փոխանցել է ՌԻԱ Նովոստին:
Նա նշել է, որ ՌԴ-ի և Ուկրաինայի միջև պատրաստվող փաստաթղթի ձևաչափն ու ստորագրման մակարդակը կախված կլինի տեքստից, որը դեռ պետք է համաձայնեցվի:
«Կարող եմ միայն արձանագրել, որ ռուսական պատվիրակությունը պատրաստ է շատ ավելի արագ աշխատել։ Ցավոք, ուկրաինական պատվիրակությունը բանակցությունների տեմպերն արագացնելու պատրաստակամություն չի դրսևորում», - ասել է նա։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
