Լավրովն ու Բայրամովը հանդիպել են
Մարտի 10-ին Անթալիայում կայացել է Սերգեյ Լավրովի և Ադրբեջանի արտգործնախարար Ջեյհուն Բայրամովի հանդիպումը: Նախարարները քննարկել են Ռուսաստանի Դաշնության և Ադրբեջանի Հանրապետության միջև դաշնակցային փոխգործակցության մասին հռչակագրի դրույթների իրականացմանն ուղղված հետագա քայլերը, որոնք ստորագրվել են ս.թ. փետրվարի 22-ին Ադրբեջանի նախագահ Իլհամ Ալիևի Ռուսաստան կատարած պաշտոնական այցի ընթացքում:
Արտաքին քաղաքական գերատեսչությունների ղեկավարները քննարկել են Ռուսաստանի, Ադրբեջանի և Հայաստանի ղեկավարների 2020 թվականի նոյեմբերի 9-ի, 2021 թվականի հունվարի 11-ի և նոյեմբերի 26-ի պայմանավորվածությունների իրականացման ընթացքը, մասնավորապես, ադրբեջանա-հայկական սահմանի սահմանազատման գործընթացի մեկնարկին, տարածաշրջանում տնտեսական կապերի և տրանսպորտային հաղորդակցությունների ապաշրջափակմանը, ինչպես նաև հումանիտար խնդիրների լուծմանը վերաբերող հարցեր:
Պայմանավորվածություն է ձեռք բերվել աշխատանքներ տանել «3+3» խորհրդատվական տարածաշրջանային պլատֆորմի երկրորդ նիստի շուտափույթ անցկացման ուղղությամբ:
