«Եթե Պուտինը չի վախենում, թող նստի, խոսի Զելենսկու հետ». Ուկրաինայի ԱԳ նախարար

 Ուկրաինայի արտաքին գործերի նախարար Դմիտրի Կուլեբան ընդգծել է երկրի նախագահ Վլադիմիր Զելենսկու և Ռուսաստանի նախագահ Վլադիմիր Պուտինի միջև ուղիղ բանակցությունների անհրաժեշտությունը, գրում է pravda.com.ua-ն։ 

Նախարարը հիշեցրել է, որ Ուկրաինան վաղուց է ձգտում զրույց անցկացնել Զելենսկու և Պուտինի միջև։

«Դա Լավրովին էլի կասեմ, մեր նախագահը ոչնչից չի վախենում, այդ թվում՝ Պուտինի հետ ուղիղ հանդիպումից, եթե Պուտինը նույնպես չի վախենում, թող նստեն խոսեն»,- ասել է նա։

Կուլեբան նաև ասել է, որ պատրաստ է բովանդակային զրույցի ռուս գործընկեր Սերգեյ Լավրովի հետ պատերազմին վերջ տալու համար։

Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին։

Հեռուստաուղերձում նա ասել էր, որ հանգամանքները «մեզնից պահանջում են վճռական և անհապաղ գործողություններ, Դոնբասի ժողովրդական հանրապետությունները օգնության խնդրանքով դիմել են Ռուսաստանին»:

Ռուսաստանի ղեկավարի խոսքով, արյունահեղության ողջ պատասխանատվությունը կլինի Ուկրաինայում իշխող ռեժիմի խղճի վրա։ Նա ուկրաինացի զինվորականներին կոչ է արել չկատարել ուկրաինական իշխանությունների հանցավոր հրամանները, վայր դնել զենքերն ու գնալ տուն։