Հափշտակել են գերեզմանների ալյումինե ճաղավանդակներ. 3 անձ բերման է ենթարկվել
Վերջին ամիսներին ՀՀ ոստիկանության պարեկային ծառայության Երևանի գնդի պարեկների կողմից բազմաթիվ հանցագործություններ են կանխվել և բացահայտվել:
Այսօր՝ մարտի 4-ին՝ կեսգիշերն անց, ՀՀ ոստիկանության պարեկային ծառայության 1-ին գումարտակի 1-ին վաշտի ծառայողները Արցախի փողոցում նկատել են կասկածելի ավտոմեքենա:
Գումարտակի հրամանատարի կարգադրությամբ կանգնեցվել է նշված ավտոմեքենան, որում վարորդի հետ եղել է 2 երիտասարդ: Զննությամբ բեռնախցիկում հայտնաբերվել են գերեզմանների ալյումինե կոտրված ճաղավանդակներ, որոնք, պարզվել է՝ վանդալիզմի հեղինակը կամ հեղինակները հափշտակել են հանգուցյալների շիրիմներից:
Նրանք ավտոմեքենայով և կասկածելի պարկով ու մեծ մուրճով (կվալտով) բերման են ենթարկվել ոստիկանության Էրեբունու բաժին: Կան կասկածներ, որ եռյակը այդ ամենը հափշտակել է Նուբարաշենի կամ Արարատի մարզի գերեզմաններից: Վերջիններս բաց են թողնվել: Հանգամանքները պարզվում են:
Մանրամասները՝ կայքում:
