Պուտինը պատրաստ է Արևմուտքի հետ բանակցությունների․ Դմիտրի Պեսկով
ՌԴ նախագահ Վլադիմիր Պուտինը պատրաստ է ՌԴ-ի համար անվտանգության երաշխիքների և Ուկրաինայի շուրջ բանակցությունների։ Այս մասին Կրեմլի մամուլի քարտուղար Դմիտրի Պեսկովը հայտնել է CNN-ին։
«Առաջին հերթին, նախագահ Պուտինը մշտապես պահանջել է բանակցություններ և դիվանագիտություն։ Եվ, փաստացի, նա է ձեռնարկել ՌԴ-ի համար անվտանգության երաշխիքների հարցը։ Ուկրաինան պարզապես հանդիսանում է խնդրի մաս, Ռուսաստանի համար անվտանգության երաշխիքների հետ կապված ավելի խոշոր խնդրի մաս»,-ասել է նա։
Վերջին շրջանում Արևմուտքի երկրներում, ինչպես նաև Ուկրաինայում հայտարարություններ են հնչում ուկրաինական տարածք Ռուսաստանի հնարավոր ներխուժման մասին։ Պեսկովը նման տեղեկատվությունն անվանել է լարվածության հիմնական սրացում և ընդգծել, որ Ռուսաստանը ոչ մեկի համար սպառնալիք չի ներկայացնում։
