Մարիա Զախարովան կոչ է արել ամերիկյան Bloomberg գործակալությանը ջնջել Ուկրաինա ռուսական ներխուժման ամսաթիվը
ՌԴ ԱԳՆ պաշտոնական ներկայացուցիչ Մարիա Զախարովան կոչ է արել ամերիկյան Bloomberg գործակալությանը ջնջել Ուկրաինա ռուսական ներխուժման ամսաթիվը։ Այս մասին նա գրել է իր տելեգրամյան ալիքում։
Զախարովան գործակալությանը «մի քանի ժամ է տվել ապաշխարության համար» և խորհուրդ տվել ջնջել կանխատեսումը։
«Ապաշխարության համար մի քանի ժամ է մնացել մինչ այն, երբ Bloomberg-ը կվերածվի դդմի, իսկ նրանք, ովքեր օգտագործել են այն պատերազմի քարոզչության համար՝ առնետների»,-հայտարարել է ԱԳՆ ներկայացուցիչը։
Փետրվարի 11-ին Bloomberg-ը Ռուսաստանի՝ Ուկրաինա ներխուժման ամսաթիվ էր անվանել փետրվարի 15-ը։
