Արման Ծառուկյանը փոխել է իր մարզական մականունը

Արման Ծառուկյանը, ով մեկ ամիս անց կվերադառնա օկտագոն, պաշտոնապես հանդես կգա նոր մականվամբ, ինչի մասին կհայտարարի Բրյուս Բաֆերը։

Նախկինում «Ախալքալաքցի» մականունը կրող Ծառուկյանն իր որոշման մասին հայտնել է մարզական մեկնաբան Արիել Հելվանիի հետ հարցազրույցում։

«Ես փոխել եմ մականունս։ Ախալքալաքցին հղում էր այն վայրին, որտեղ ես ծնվել եմ։ Բայց երկրպագուներն ինձ մշտապես անվանում են Բեթման, այդ պատճառով հիմա ես պարզապես կլինեմ Բեթման», – պատմել է Ծառուկյանը։

29-ամյա մարզիկի հաջորդ մենամարտը նախատեսված է սեպտեմբերի 19-ին Լոս Անջելեսում՝ «Յու-Ֆի-Սի 331» մրցաշարի շրջանակում։ Համարային երեկոյի նշանակությամբ երկրորդ մարտում նրա մրցակիցը կլինի բրազիլացի Մաուրիսիո Ռուֆին, ով փոխարինման է դուրս եկել մրցաշարից դուրս մնացած իր հայրենակից Չարլզ Օլիվեյրայի փոխարեն։