Մինսկում ԱՄՆ դեսպանատունը կոչ է արել ամերիկացիներին անհապաղ լքել Բելառուսը և Մերձդնեստրը
Մինսկում ԱՄՆ դեսպանատունը կոչ է արել ամերիկացիներին անհապաղ լքել Բելառուսը, ասվում է Պետդեպարտամենտի կայքում։
«Մի՛ այցելեք Բելառուս օրենքների կամային կիրառման, ձերբակալության ռիսկի, Ուկրաինայի հետ Բելառուսի սահմանի երկայնքով ռուսական ռազմական ուժի մտահոգիչ ընդլայնման, COVID-19-ի և դրա հետ կապված մուտքի սահմանափակումների պատճառով։
Բելառուսում ԱՄՆ քաղաքացիները պետք է անհապաղ հեռանան կոմերցիոն կամ մասնավոր միջոցներով»,-հայտնել է գերատեսչությունը։
Բացի այդ, Պետդեպարտամենտը խորհուրդ է տվել չայցելել Մոլդովայի տարածք և կոչ է արել ԱՄՆ քաղաքացիներին անհապաղ լքել Մերձդնեստրը։
