Շոյգուն Մեծ Բրիտանիայի ՊՆ-ից բացատրություն է պահանջել

Ինչպես արդեն հայտնել ենք, Մոսկվայում բանակցություններ են տեղի ունեցել Մեծ Բրիտանիայի և Ռուսաստանի պաշտպանության նախարարների միջև։

Ռուսաստանի պաշտպանության նախարար Սերգեյ Շոյգուն Մեծ Բրիտանիայի պաշտպանության նախարար Բեն Ուոլեսի հետ Մոսկվայում կայացած հանդիպման ժամանակ բացատրություն է պահանջել Ուկրաինայում բրիտանական հատուկ ջոկատայինների ներկայությունը: 

Շոյգուն առաջարկել է արևմտյան երկրներին իրենց ներդրումն ունենալ լարվածության թուլացման գործում և դադարեցնել զենքի մատակարարումներն Ուկրաինային:
 

«Կուզենայի նաև հասկանալ, թե ինչու Մեծ Բրիտանիան իր հատուկ նշանակության ջոկատներն ուղարկել Ուկրաինա, և մինչև երբ են այդ ջոկատներն այնտեղ գտնվելու», – ասել է Շոյգուն։