Անմարդկային պայմաններ. Ղազախստանում 4 անչափահաս երեխաները դադարել են քայլել

Ղազախստաի Էքիբաստուզում հարևանները ոստիկանություն են ահազանգել և հայտնել մի ընտանիքի մասին, որում 4 երեխա գտնվում է անօգնական վիճակում: 7, 5, 4 և 3 տարեկան երեխաները սարսափելի վիճակում են, 3 օր ընդհանրապես հաց չեն կերել, քանի որ տանը ուտելիք չի եղել։ Երբ այցելել են երեխաներին` նրանք գրեթե մերկ են եղել. հագուստ ևս չեն ունեցել: Հայտնում է Sputnik Ղազախստանը:

Հարևաններն ասել են, որ փոքրիկները անգամ տանից դուրս չեն գալիս, մարդկանցից` վախենում են։

Մոր խոսքով` երեխաների առողջական վիճակը տարեցտարի վատանում է: Ավելին, նա հայտնել է, որ մոտ մեկ տարի է ինչ երեխաներն ընդհանրապես դադարել են քայլել։ Ընտանիքն ունի հայր, նա տան միակ աշխատուժն է, բայց այն պայմանները, որում ապրել են երեխաները` անմարդկային են եղել: 

Երեխաներից մեկի մոտ կորոնավիրուս է ախտորոշվել, մնացածը թոքաբորբ ունեն:

Պետությունն այժմ զբաղվում է ընտանիքի հարցով, սակայն այս փուլում  «առաջնային հարցը ոչ թե երեխաներին ընտանիքից հեռացնելն է, այլ նրանց առողջական վիճակը»։ Երբ փոքրիկների վիճակը կայունանա, քայլեր կձեռնարկվեն նաև փոքրիկներին ծնողների խնամակալությունից զրկելու հարցով։