Սախալինի ափերի մոտ երկրաշարժ է գրանցվել
Կիրակի առավոտյան Սախալին կղզու ափերի մոտ ստորգետնյա ցնցում է տեղի ունեցել 5,5 մագնիտուդ ուժգնությամբ, տեղեկացնում են Ռուսաստանի գիտությունների ակադեմիայի երկրաֆիզիկայի ծառայության Կամչատկայի մասնաճյուղից, հաղորդում է ՌԻԱ Նովոստի-ն:
Ցնցումները զգացել են մի քանի բնակավայրերի բնակիչները:
Երկրաշարժը գրանցվել է տեղական ժամանակով 8.18-ին (Մոսկվայի ժամանակով 0.18-ին)՝ արևելյան ափերի մոտ: Օջախը գտնվում է 23 կիլոմետր խորության վրա։
Ըստ նախնական տվյալների՝ զոհեր և ավերածություններ չկան: