ՏԵՍԱՆՅՈՒԹ. Սառույցը կոտրվել է և 3-ամյա աղջնակն ընկել է Նևա գետը. ոստիկանը փրկել է նրան
Սանկտ Պետերբուրգում ոստիկանը Նևայից փրկել է 3-ամյա աղջկան: Տեսանյութում երևում է, թե ինչպես է սերժանտ Դմիտրի Խոդկևիչը դուրս հանում երեխային։ Այս մասին հայտնում է РИА-ն` հղում անելով ՌԴ ներքին գործերի նախարարությանը:
Հաղորդվում է, որ աղջիկը հոր հետ զբոսնելիս է եղել, սահել է սառած Նևայի վրա, երբ հանկարծ սառույցը կոտրվել է ու երեխան հայտնվել է ջրում։ Հայրն ինքն է փորձել փրկել դստերը, սակայն չի կարողացել հասնել։ Արդյունքում շտապ օգնություն են կանչել։
