ՏԵՍԱՆՅՈՒԹ. Աղաջանյանը` Արարատ Միրզոյանի և Ռուբեն Ռուբինյանի Թուրքիա մեկնելու մասին

 Լրագրողների հետ ասուլիսի ընթացքում ՔՊ խմբակցության պատգամավոր Էդուարդ Աղաջանյանը՝ պատասխանելով հարցին, հայկական կողմը հաստատում է արդյոք Չավուշօղլուի հայտարարությունը և, եթե այո,  հնարավոր է, որ Նիկոլ Փաշինյանը ևս ԱԳ նախարար Արարատ Միրզոյանի և հատուկ ներկայացուցիչ Ռուբեն Ռուբինյանի հետ մեկնի Թուրքիա,  պատասխանեց.

«Այս պահի դրության մասնակցության վերաբերյալ վերջնական որոշում չկա»,- պատասխանեց Աղաջանյանը: Նա նաև ասաց, որ հայկական կողմը դեռ որոշում չունի և դա է պատճառը, որ հայկական կողմնը դեռ հայտարարությամբ հանդես չի եկել: Որևէ բան թաքցնելու  հարց չկա, հավելեց պատգամավորը: 

Մանրամասները` տեսանյութում:

Հիշեցնենք, որ Թուրքիայի արտգործնախարար Մևլութ Չավուշօղլուն նշել է, որ Անթալիայի դիվանագիտական ​​ֆորումին կմասնակցեն 50 նախարարներ և 30 միջազգային կազմակերպությունների ներկայացուցիչներ, փոխանցում են թուրքական լրատվականները։ 

«Մենք համաժողովին հրավիրել ենք Հայաստանի արտգործնախարար Արարատ Միրզոյանին և հատուկ ներկայացուցիչ Ռուբեն Ռուբինյանին։ Վարչապետ Նիկոլ Փաշինյանն ասաց, որ հրավիրվածները կարող են մասնակցել համաժողովին։ Մենք ուրախ կլինենք։ Սա կլինի վստահության ամրապնդման քայլերի մի մասը»,- ասել է նախարարը։