ՊՆ-ն հաստատում է՝ Զինված ուժերի 30-ամյակին նվիրված ընդունելությունը հետաձգվել է․ կորոնավիրուսով վարակվածներ կան

Հունվարի 28-ին նախատեսված զինված ուժերի կազմավորման 30-ամյակին նվիրված ընդունելությունը, որը պետք է կայանար «Դվին» հյուրանոցային համալիրի մեծ սրահում, հետաձգվել է։ Այս մասին Auroranews-ի հետ զրույցում հաստատեցին ՀՀ պաշտպանության նախարարությունից։ 

ՊՆ-ից նաև նշեցին, որ ընդունելությունը հետաձգվել է՝ պայմանավորված երկրում համաճարակային վիճակի կտրուկ սրմամբ․ «Կորոնավիրուսի վարակ է հայտնաբերվել նաև հրավիրյալներից որոշների մոտ»։ 

Հիշեցնենք, որ մամուլում տեղեկություններ են շրջանառվում առ այն, որ հունվարի 28-ին նախատեսված զինված ուժերի կազմավորման 30-ամյակին նվիրված ընդունելությունը հետաձգվել է, քանի որ ՀՀ ԶՈՒ ԳՇ պետը, բանակի ղեկավար կազմում մի շարք բարձրաստիճան պաշտոնյաների, ինչպես նաև հրավիրյալ որոշ անձանց մոտ կորոնավիրուս է հայտնաբերվել: