Խորվաթիայի նախագահի համարձակ հայտարարությունից հետո երկրի վարչապետը Ուկրաինայից ներողություն է խնդրել

Խորվաթիայի վարչապետ Անդրեյ Պլենկովիչն արձագանքել է նախագահ Զորան Միլանովիչի այն խոսքերին, թե Ուկրաինան «տեղ չունի ՆԱՏՕ-ում», իսկ Արժանապատվության հեղափոխությունը «պետական հեղաշրջում» էր։ Այս մասին հայտնում է Dnevnik հրատարակությունը։

Պլենկովիչն ասել է, որ երկրի նախագահի խոսքերը կապ չունեն կառավարության դիրքորոշման հետ, և Ուկրաինայից ներողություն է խնդրել։ Մեկնաբանելով Միլանովիչի խոսքերը՝ նա հավելել է, որ «կարծել  էր, թե դա ասել է ռուս պաշտոնյան»։

«Խորվաթիայի քաղաքականությունն է՝ նվազեցնել լարվածությունը, կանխել հնարավոր հակամարտությունը և աջակցել Ուկրաինայի տարածքային ամբողջականությանը։ Սա մեր սկզբունքային դիրքորոշումն է»,- վստահեցրել է Պլենկովիչը։

Խորվաթիայի նախագահի հայտարարություններից հետո Խորվաթիայի դեսպանը կանչվել է Ուկրաինայի ԱԳՆ։ Ուկրաինայի ԱԳՆ-ն պահանջել է հրապարակավ հերքել Միլանովիչի խոսքերը։