Կորեայի Հանրապետությունը (Հարավային Կորեա) հայտարարել է, որ Հյուսիսային Կորեան ենթադրաբար երկու թևավոր հրթիռ է արձակել Ճապոնական ծովի ուղղությամբ։ Այս մասին երեքշաբթի հայտնել է Yonhap գործակալությունը՝ հղում անելով ռազմական աղբյուրներին։

Հարավային Կորեայի շտաբների պետերի միացյալ կոմիտեն ներկայում վերլուծում է այդ հրթիռների բնութագրերը։

Մինչ այս, ԿԺԴՀ-ն տարեսկզբից արդեն չորս արձակում է իրականացրել․ վերջինը տեղի է ունեցել հունվարի 17-ին։ Այդ ժամանակ հարավկորեացի զինվորականները հայտնել էին, որ երկու բալիստիկ հրթիռներ թռել են մոտ 380 կմ դեպի Ճապոնական ծով՝ 42 կմ առավելագույն բարձրության վրա։