ՏԵՍԱՆՅՈՒԹ. Պատգամավոր Արթուր Հովհաննիսյանը սխալ է մեկնաբանել Ռադիո Ավրորայի լուրը և ԱԺ ամբիոնից զրպարտել լրատվականին
ՔՊ-ական պատգամավոր Արթուր Հովհաննիսյանը հունվարի 21-ին ԱԺ նիստում անդրադարձավ ընդդիմադիրների մեղադրանքներին, թե ինչո՞ւ իշխանական պատգամավորները չեն դատապարտում Վահագն Ալեքսանյանի՝ որոշ լրագրողների ուղղված «վերբալ մարմնավաճառներ» արտահայտությունը։ Արթուր Հովհաննիսյանը հայտարարեց, թե «Ռադիո Ավրորայի»-ի հաղորդավարը համոզում էր ունկնդիրներին, որ ՀՀ իշխանությունները Մեղրիի միջանցք են տալիս ադրբեջանցիներին. «Տաքսիով գալիս եմ աշխատանքի ու լսում եմ «Ռադիո Ավրորա», որտեղ հաղորդավարը, լրագրողը ունկնդիրներին համոզում է, որ ՀՀ իշխանությունները Մեղրիի միջանցք են տալիս ադրբեջանցիներին։ Ինչ-որ կազմակերպված մարդիկ են զանգում, ինչ-որ բաներ են ասում։ Հիմա ուզում եմ հասկանալ՝ մեր գործընկեր Վահագն Ալեքսանյանն էս ամենին ի՞նչ անուն տա», - ասաց Հովհաննիսյանը։
Auroranews-ը ներկայացնում է, թե ինչ է տեղի ունեցել իրականում։
