Հնդկաստանում խոշոր ահաբեկչություն են կանխել

Դելիի արևելքում ոստիկանական սակրավորները ինքնաշեն պայթուցիկ սարք են հայտնաբերել և վնասազերծել, հայտնում է India Today թերթը։

Ռումբը հայտնաբերվել է Գազիփուրի ծաղկաշուկայում՝ Հնդկաստանի մայրաքաղաքի արևելքում։ 1,5 կիլոգրամ քաշով ինքնաշեն պայթուցիկ սարքը թաքցրած են եղել պայուսակում։ Ենթադրվում է, որ պայթուցիկը տեղադրված է եղել ահաբեկչություն իրականացնելու համար՝ Հնդկաստանում հունվարի 26-ին նշվող Անկախության օրվա նախաշեմին։

Ոստիկանությունն օպերատիվ կերպով շրջապատել է տարածքը, իսկ սակրավորները կարողացել են կանխել խոշոր ահաբեկչությունը և պայթուցիկ սարքը նախապատրաստել են վնասազերծման։ Իրավապահ մարմիններն ու ահաբեկչության դեմ պայքարի ծառայությունն արդեն քրեական գործ են հարուցել։