Ավտովթար՝ Արտաշատ-Դալար ավտոճանապարհին. մեքենաների բախման հետևանքով տուժածներ կան

Դեկտեմբերի 23-ին` ժամը 20:45-ին, Արարատի մարզային ճգնաժամային կառավարման կենտրոն ահազանգ է ստացվել, որ Արտաշատ քաղաքի եկեղեցու մոտակայքում տեղի է ունեցել ՃՏՊ․ կա տուժած։
 

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
 

Պարզվել է, որ Արտաշատ-Դալար ավտոճանապարհին բախվել են «Opel Astra G» (վարորդ՝ Հ․ Վ․, ծնված 1988 թ.) և «BMW» (վարորդ՝ Վ․ Ս․, ծնված 1988 թ.) մակնիշների ավտոմեքենաները․ «Opel Astra G» մակնիշի ավտոմեքենայի ուղևոր Ա․ Վ․-ն (ծնված 1984 թ․) արգելափակվել է ավտոմեքենայում։
 

Մինչ փրկարարների կանչի վայր հասնելը «Opel Astra G» մակնիշի ավտոմեքենայի վարորդը, ուղևորներ Ա․ Դ․-ն (ծնված 1995 թ.) և Լ․ Ա․-ն (ծնված 1985 թ.) տեղափոխվել են Արտաշատի ԲԿ:
 

Փրկարարները հոսանքազրկել են ավտոմեքենաները, փակել գազի բալոնների փականները և արգելափակումից դուրս բերել Ա․ Վ․-ին․ վերջինս հոսպիտալացվել է Արտաշատի ԲԿ: Բժիշկները բոլոր տուժածների առողջական վիճակը գնահատել են կայուն։